“Karantin rejimi yumşaldılsa da, mən və ailəm ehtiyatı əldən vermirik. Uşaqlar demək olar ki, evdən çölə çıxmırlar. Mən isə həmişə maskada oluram. Amma əlcək taxmıram. Gündə bir neçə dəfə əlimi və üzümü sabunla yuyuram. Bu müddət ərzində dezinfeksiya məhsullarından bolluca istifadə etdik”.

Yenisabah.az xəbər verir ki, bu sözləri İstanbulun bələdiyyə başqanı Əkrəm İmamoğlu deyib. Şəxsi həyatından danışan İmamoğlu bildirib ki, qızı Beren təmizlik məsələlərinə münasibətdə çox həssasdır: “Evimizin idarəçiliyi qızımın əlindədir. Hər gün işdən evə gələn kimi duş qəbul edirəm. Duş qəbul etməsəm, qızım məni evə buraxmır. Çünki məni öpmək istəyir. Hamımız onun müəyyən etdiyi qaydalara tabe oluruq”.

Mənbə: yenisabah.az