ABŞ-ın dərman istehsalçısı Moderna şirkəti yaratdığı koronavirus əleyhinə peyvəndindən, ilk mərhələ sınaqlarda yaxşı nəticələr əldə etdiyini eşitdirdi.

Bu nəticələr peyvəndin insanlarda KOVİD-19 xəstəliyinə qarşı immunitet yaratma şansı olduğunu göstərir. Moderna şirkəti peyvəndi, virusun mRNT-inə qarşı immün reaksiyası yaradacaq formada hazırladı. mRNT virusun ev hüceyrə içində özünü kopyalamasına köməkçi olduğundan, mRNT əleyhinə immunitet reaksiyası yaratmaq peyvənd üçün çox əhəmiyyətlidir. Moderna şirkətinin yeni metodları olduqca sürətli hazırlansa da, dərhal sertifikatlı peyvənd hazırlanmır. Əvvəl klinik mərhələlər keçirilməlidir.

Birinci mərhələ klinik mərhələsində dərman ya da peyvəndin etibarlı olub olmadığı araşdırılır. Sınaqlar potensial peyvəndlər və ya dərmanlara əhəmiyyətli baxış təmin edir. Moderna şirkətinin sınağı martda başladı və 105 adamı ehtiva edir və hələ də davam edir. İştirakçılara üç fərqli doza tətbiq olunur. Birində iki dəfə 25 mikroqram, digərində dörd həftəlik fasilə ilə 100 mikroqram və ya 250 mikroqramlıq tək doza verilə bilər. Yeni nəticələrə görə, Moderna şirkəti, yaşı 18 ilə 55 arasında dəyişən 8 iştirakçının anticisim məlumatlarını nəşr etdi. Bunlardan dördünə qoldan 25 mikroqram, dördünə də 100 mikroqram qoldan peyvənd vuruldu. Şirkətin verdiyi məlumatlara görə, 25 mikroqram alan iştirakçılar KOVİD-19 xəstəliyini sovuşduran xəstələrlə müqayisə edilə biləcək səviyyədə koronavirusu təsirsiz hala gətirən anticisim hazırladı. Lakin 100 mikroqram alan iştirakçılarda bəzi əks təsirlər müşahidə edildi. Əks təsirlərin keçici və özbaşına həll edildiyi ifadə edilir.

2-ci mərhələdə 50 mikroqram qoldan veriləcək. 3-cü mərhələnin isə, iyulda başlanması gözlənilir. Wall Street Journal hesab edir ki, əgər sınaqlar yaxşı gedərsə, payızda peyvənd FDA tərəfindən təcili təsdiq ala bilər.

Milli.Az

Mənbə: news.milli.az