Azərbaycan Dövlət Aqrar Universiteti rəhbərliyinin təşəbbüsü, universitetin Həmkarlar İttifaqı Komitəsinin maliyyə dəstəyi və təşkilatçılığı ilə Ramazan bayramı münasibətilə bu ali məktəbin bir sıra imkansız əməkdaşlarına bayram sovqatı paylanıb.

Bayram sovqatı bağlamalarına universitetin tədris- təcrübə təsərrüfatından süd, yumurta, istixana kompleksindən pomidor, badımcan, bibər və digər məhsullar qoyulub. Bundan başqa gündəlik ərzaq məhsulları da bu sovqata əlavə edilib.
Xatırladaq ki, Koronavirus (COVİD-19) pandemiyasının yayıldığı və karantin elan edilən gündən etibarən universitet rəhbərliyi və Həmkarlar İttifaqı Komitəsi ehtiyacı olan 230-dan çox əməkdaşına vaxtaşırı olaraq ərzaq yardımı, eləcə də maddi köməklik göstərirlər.

Hamlet Qasımov,
«Xalq qəzeti»nin bölgə müxbiri

Mənbə: xalqqazeti.com