Pandemiya dövründə Suriyada hərbi əməliyyatlar səngimişdi. Ölüm xəbərləri gəlmirdi.

Bizimyol.info xəbər verir ki, Bəşər Əsəd qüvvələri İdlibdə Türkiyə hərbi karvanına hücum edib. Bomba partlaması nəticəsində elazığlı əsgər həyatını itirib. Can Berk Tatar yerindəcə keçinib.

Pandemiyadan əvvəl Türkiyə ordusunun İdlib əməliyyatları xeyli intensivləşmişdi. Qardaş ölkə üçün təhlükəsizlik zonası yaratmaq çox vacibdir. Bunun üçün xüsusi hərbi əməliyyatlar həyata keçirilirdi.

“Elazigsonhaber” hadisə haqda daha geniş yazıb. Portalın məlumatına görə, hərbi karvandakı avtomobillərdən biri minaya düşüb. Can Berk Tatarın ölümündən başqa, yaralananların da olduğu bildirilir.

Şəhidin Bozağaç kəndində yaşayan atası və anasına acı xəbəri çatdırıblar. Ailə oğlunun cəsədinə qovuşmaq üçün Elağıza yola düşüb.

Mənbə: www.bizimyol.info