Meyvezerdən örnək addım: Corc Floydun dəfn xərclərini ödəyəcək

Boks üzrə sabiq dünya çempionu Floyd Meyvezer Corc Floydun dəfn xərclərini öz üzərinə götürüb.

Fanat.Az xəbər verir ki, bu barədə "Mayweather Promotions" şirkətinin rəhbəri Leonard Ellerbe ESPN-ə məlumat verib:

"Yəqin ki, bunu sizə dediyimə görə mənə əsəbiləşəcək. Amma xəbər doğrudu: Corc Floydun dəfn xərclərini Meyvezer ödəyəcək. O, son 20 il ərzində çox belə işlər görüb".

Ötən həftənin bazar ertəsi ABŞ-ın Minnesota ştatının Minneapolis şəhərində polis məmuru Corc Floydu yaxaladıqdan sonra dizini onun boynuna dayamışdı. Təxminən 8 dəqiqə bu vəziyyətdə qalan Floyd dünyasını dəyişmişdi. 46 yaşlı mərhum son anlarında "Mən nəfəs ala bilmirəm" cümləsini işlətmişdi. Artıq ABŞ-ın 20-dən çox ştatında hadisə ilə bağlı etirazlar başlayıb.

Qeyd edək ki, bu, Amerikada son illərdə qaradərililərin polis tərəfindən öldürülməsinə dair ilk belə hal deyil.

Fanat.Az

Fanat.az

ƏVVƏLKİ XƏBƏR

Beyin üzün yaşını "gənclik üçbucağı" ilə təyin edir - Onu makiyaj ilə necə bərpa etmək olar?

SONRAKI XƏBƏR

Əfsanəyə 2 addım qaldı – Verner