Xarici ölkələrdə 118 Gürcüstan vətəndaşı koronavirusa yoluxub.

“Report”un yerli bürosu xəbər verir ki, bu barədə Gürcüstan hökumətinin hesabatında bildirilib.

Mayın 22-nə olan məlumata əsasən, onların 16-sı dünyasını dəyişib. Avstriyada 1, İspaniyada 4, Türkiyədə 1, Böyük Britaniyada 2, ABŞ-da 5, Fransada 2, Latviyada isə 1 Gürcüstan vətəndaşı vəfat edib.

Sənəddə qeyd olunub ki, vətəndaşların əksəriyyətində xəstəlik az ağır formada keçir.

Mənbə: report.az