Koronovirusla əlaqədar bu gündən Bişkekdə xüsusi karantin rejimi tətbiq edilib

 

Bişkek, 3 iyul, AZƏRTAC

Koronavirusla əlaqədar bu gündən Bişkekdə xüsusi karantin rejim tətbiq edilib. Paytaxtda vəziyyətin gərgin olaraq qaldığı bildirilir. Son sutka ərzində təkcə Bişkek şəhərində 230 yoluxma faktı qeydə alınıb.

Buna görə də xüsusi karantin rejiminin tələblərinə uyğun olaraq, adi günlərdə Bişkekdə ictimai nəqliyyat səhər saat 7-dən 10-dək, axşam saat 17-dən 19-dək işləyəcək. Şənbə və bazar günləri isə ictimai nəqliyyat işləməyəcək.

Şəhərdəki əyləncə mərkəzləri, gecə klubları, karaoke klubları, uşaq əyləncə mərkəzləri və buna bərabər tutulan digər məkanların fəaliyyəti tam qadağan olunub, paytaxtdakı bütün parklara giriş məhdudlaşdırılıb.

 

Qulu Kəngərli

AZƏRTAC-ın xüsusi müxbiri

Bişkek

Azertag.az

ƏVVƏLKİ XƏBƏR

İqtisadiyyat Nazirliyi: Sərtləşdirilmiş karantin rejiminin tələblərinə tam əməl olunmalıdır

SONRAKI XƏBƏR

İki erməni hərbçisi minaya düşüb