Qadağa olmasa da, marketlərdə izdiham var

Qadağa olmasa da, marketlərdə izdiham var

Sərt karantin rejiminin uzadılmasından sonra Bakıda fəaliyyət göstərən iri supermarketlərə axın davam edir.

"Qafqazinfo"nun məlumatına görə, yenidən marketlərdə boş piştaxtalara rast gəlmək mümkündür. Bəzi paytaxt sakinləri sərt karantin rejimini səhv anlayaraq bunu küçəyə çıxma qadağası kimi qəbul ediblər.

Belə olan halda isə marketlərdə izdiham yaşanıb.

Halbuki həftəsonu qadağasından fərqli olaraq, sərt karantin rejimi müddətində market, eləcə də apteklərin fəaliyyətinə icazə verilir.

Qeyd edək ki, Bakı başda olmaqla, Cəlilabad, Gəncə, Lənkəran, Masallı, Sumqayıt, Yevlax, Abşeron, Goranboy, Göygöl, Mingəçevir, Bərdə, Xaçmaz, Samux, Siyəzən, Şəkidə sərt karantin rejimi 5 iyul saat 06:00-dan 20 iyul saat 06:00-dək uzadılıb. Qeyd edilən bölgələrin sakinləri küçəyə SMS-icazə ilə çıxaraq marketdən alış-veriş edə bilərlər. Həftəsonları isə ictimai nəqliyyatın fəaliyyətinə icazə verilməyəcək.

Mənbə: qafqazinfo.az