PlayStation da Feysbuka qarşı çıxdı

Qeyri-hökumət təşkilatlarının Feysbuka qarşı start verdiyi #stophateforprofit (qazanc üçün nifrətə yox de) kampaniyası böyüməkdə davam edir.
TED.az Türkiyə mətbuatına istinadən xəbər verir ki, kampaniyaya PlayStation da qoşulub.
Şirkətdən verilən açıqlamada qeyd olunur ki, bütün hallarda nifrət nitqinə qarşıdırlar. Beləcə, PlayStation Feysbuka ciddi zərbə vuran kompaniyalar siyahısına adını yazdırmış olub.
Qeyd edək ki, hazırda kampaniyaya qoşulan şirkətlərin sayı 300-dən çoxdur. Üstəlik, siyahıda tanınmış brendlər üstünlük təşkil edir.
Feysbukun sahibi Mark Zukerberq isə boykot kampaniyasına münasibət bildirərkən qeyd edib ki, bu addım şirkətə heç də düşünüldüyü qədər böyük ziyan vurmayacaq. Çünki Feysbuk qazancının əksər hissəsi reklamdan gəlmir.
Bundan başqa, o vurğulayıb ki, boykota imza atan şirkətlərin bir çoxu qısa zamanda platformaya geri dönəcək.

Ted.az

ƏVVƏLKİ XƏBƏR

“ƏBƏDİ PUTİN NAMİNƏ KONSTİTUSİYA TAMAŞASI!”- Rusiyada referendum və ya Kremlin "uzağa atan" silahı...

SONRAKI XƏBƏR

Yarımçıq qalan qonaqlıq (VİDEO)