Səudiyyə Ərəbistanı Həcc ziyarəti üçün görülən Kovid-19 tədbirlərini açıqlayıb.
Primetime.az xəbər verir ki, Həcc ziyarəti müddətində Məkkə ziyarətləri sadəcə maska ilə gerçəkləşəcək. Bundan başqa Məkkəyə gedəcək olan zəvvarlara 65 yaş məhdudiyyəti qoyulub. Belə ki, Kəbəni sadəcə 65-dən yaşdan aşağı olanlar ziyarət edə biləcək.
Ölkə daxilindən gələn ziyarətçilərin sayı da Səudiyyə Ərəbistanı Xəstəliklərin Qarşısının Alınması və Mübarizə Mərkəzi tərəfindən bir neçə min ilə məhdudlaşdırılıb və maska taxmaq məcburiyyəti gətirilib. Bundan başqa zəvvarlar paltar, salfet və ya mobil telefon kimi şəxsi əşyalarını da bir-biri ilə paylaşmayacaq.
Qeyd edək ki, Səudiyyə Ərəbistanında Kovid-19 nəticəsində 1900 nəfər ölüb, 209 min nəfər virusa yoluxub.
Mənbə: primetime.az