Amerikalı müğənni Kanye Vest, ABŞ prezident seçkilərinə müstəqil namizəd olaraq qatılmaq niyyətində olduğunu açıqlayıb, buna səbəb ölkənin hazırkı başçısı Donald Trampın Respublikaçıların namizədi olmasıdır.
İnterAz bu barədə RİA Novosti-yə istinadən xəbər verir.
"Tramp olmasaydı, respublikaçılardan namizəd olardım. Müstəqil (namizəd) olaraq namizədliyimi irəli sürəcəm, çünki Tramp var", deyə Vest "Forbes" jurnalına verdiyi müsahibədə bildirib.
Vest dəfələrlə Trampı dəstəkləyən açıqlamalar verib.
O bildirib ki, prezidentliyə namizəd olmaq fikri rep bəstələyərkən onun ağlına gəlib.
Bu niyyətini isə ilk dəfə 2015-ci ildə "MTV Video Vanguard Awards" tədbirində səsləndirib.
Mənbə: www.interaztv.com