Azərbaycanda gəminin heyət üzvləri koronavirusa yoluxdu

“Azərbaycan Xəzər Dəniz Gəmiçiliyi” QSC-yə məxsus “Qurban Abbasov” kran-montaj gəmisinin 19 heyət üzvündən COVID-19 üçün götürülən analiz nümunələri müsbət çıxıb.

KONKRET.az xəbər verir ki, Xəzər dənizində neft buruqlarının tikintisi üzrə ixtisaslaşmış gəmidə işçilərin bəzilərinin bədəninin temperaturu yüksəlib və bundan sonra bütün heyət üzvlərindən koronavirus üçün yaxma nümunələri götürülüb.

Məlum olub ki, 35 heyət üzvündən 19- u koronavirusa yoluxub.

Xəstələr Bakı Atletlər Kəndində müalicəyə cəlb olunublar.

Vəziyyəti nisbətən ağır olan dənizçilər isə Cəlilabad və Astara Rayon Mərkəzi Xəstəxanalarına göndəriliblər.

konkret.az

ƏVVƏLKİ XƏBƏR

Neftə tələbat çoxalır: Səudiyyə və Rusiya hasilatı artırır

SONRAKI XƏBƏR

"Əkin sahələrini xilas etmək üçün təcili tədbirlər görülməlidir..." - Sabir Rüstəmxanlı