"Dünənki döyüş bir daha ermənilərə Rusiyasız heç kim olduqlarını göstərdi" — Aslan İsmayılov

Aprel döyüşlərinə “bir-iki təpə aldılar”, dünənki döyüşü “yenə heç nə olmadı, ancaq şəhid verdik” deyənlərin ya ağılları, təhlil qabiliyyətləri ümumiyyətlə yoxdur, yaxud onları vəzifə davasından başqa heç nə maraqlandırmır və buna görə torpaqlarımızı da verməyə hazırdırlar.

- Aprel döyüşləri Ermənistanda əlləri şəhidlərimizin qanına batmış, torpaqlarımızı işğal edən Köçaryan-Sarqsyan bandasının hakimiyyətdən getməsi ilə nəticələndi.
- Paşinyanın hakimiyyətə gəlməsi Rusiya-Ermənistan münasibətlərini korladı.
- Dünənki döyüşlərdən sonra Ermənistanda daxili vəziyyət daha da pisləşib, yeni dövlət çevrilişi və vətəndaş müharibəsi ilə nəticələnəcək.

- Aprel döyüşlərinə qədər özlərini qalib hiss edən ermənilər məğlubiyətin dadını aldılar.
- Birinci Qarabağ döyüşündən məğlub ayrılan Ordumuzda Aprel döyüşlərindən sonra ruh yüksəkliyi, özünə güvən yarandı.
- Dünənki döyüş bir daha ermənilərə Rusiyasız heç kim olduqlarını göstərdi. Ona görə az müddət ərzində ölkə, ordu rəhbərliyi tumanlarını başlarına çəkmişdilər. Ordu və xalq panikadadır. Bu müddət ərzində dəfələrlə V.Putinə, S.Lavrova zəng edib imdad dilədilər, təcili Kollektiv Təhlükəsizlik Müqaviləsi Təşkilatının iclasının çağırılmasını tələb etdilər.
- Bütün Dünya bir daha şahid oldu ki, birinci Qarabağ müharibəsinin qalibi Ermənistan yox, Rusiya-Ermənistan tandemidir.
Ən əsası Azərbaycan Xalqı olaraq qələbələrə layiq və qadir olduğumuzu gördük!

Demokrat.az

ƏVVƏLKİ XƏBƏR

Hikmət Hacıyev: “Ermənistan beynəlxalq informasiya məkanı və sosial şəbəkələrin çaşdırılması üçün müəyyən cılız tədbirlər həyata keçirir”

SONRAKI XƏBƏR

Ermənistanın Qərargah rəisi Rusiya səfiri ilə görüşdü