Türkiyədə keçirilən toy, nişan və nikah məclislərində koronavirus (COVİD-19) pandemiyası ilə əlaqədar yoxlama-nəzarət aparılacaq.

Qazet.az Axar.az-a istinadən xəbər verir ki, bu barədə Türkiyənin Daxili İşlər Nazirliyi ölkənin bütün valiliklərinə tapşırıq verib.

Tapşırıqda qeyd olunub ki, yoxlama-nəzarət tədbirlərində məqsəd koronavirusla əlaqədar sosial həyat üçün müəyyən edilən məhdudiyyətlərə necə əməl olunmasını öyrənməkdir. Yoxlama-nəzarətlərin nəticələrinə uyğun olaraq məhdudiyyətlərlə bağlı təkliflər hazırlanacaq.

Mənbə: qazet.az