Rusiyanın HDD ilin sonunadək iki ədəd hidroqrafik tədqiqat gəmisi əldə edəcək

Rusiyanın HDD ilin sonunadək iki ədəd hidroqrafik tədqiqat gəmisi əldə edəcək

Rusiyanın Qara dəniz Donanması bu ilin sonuna qədər iki iri hidroqrafik tədqiqat gəmisi əldə edəcək. Ordu.az xəbər verir ki, bu barədə Donanmanın mətbuat xidməti məlumat yayıb.

Bildirilib ki, “Proyect 23040G” sinfinə məxsus gəmilər “Vladimir Kozitskyi” və “Boris Slobodnik” adlandırılacaq.

Gəmilər hazırda Qara dənizdə sınaqlardan keçirilir. Dövlət sınaqlarından sonra hər iki gəmi Qara dəniz Donanmasının hidroqrafik tədqiqat xidmətində istifadəyə veriləcək.

Gəmilər 33 metr uzunluğundadır və dəniz səthinin xüsusiyyətlərini dəqiqliklə tədqiq etmək, 400 metr dərinlikdə naviqasiya təhlükələrini araşdırmaq və 2000 metrə qədər dərinlikdə şüa əks-sədası ilə dənizin dibini araşdırmaq üçün nəzərdə tutulub.

Sevinc Əliyeva
Ordu.az

 

Mənbə: ordu.az