Çində rəqəmsal valyutanın tətbiqi üzrə sınaqlar keçirilir

Çində rəqəmsal valyutanın tətbiqi üzrə sınaqlar keçirilir

Bakı. Trend:

Çin hökuməti ölkənin ən çox inkişaf etmiş regionlarında eksperiment qismində rəqəmsal valyutanın istifadəsini tətbiq etməyi planlaşdırır.

Trend-in məlumatına görə, bu barədə ölkənin Kommersiya Nazirliyi bildirib.

Qeyd olunur ki, rəqəmsal valyuta eksperimenti paytaxt Pekin, Şanxay, Tyantszin şəhərlərində, Hebey və Quandun əyalətlərində, eləcə də Honq Konq və Makao muxtar regionlarında işə salınacaq.

Rəqəmsal valyuta üçün elektron pulqabı vasitəsilə ödəmə və mübadilə əməliyyatları keçirmək, əməliyyatları izləmək və QR-kod vasitəsilə ödəmələr etmək mümkün olacaq.

Mənbə: az.trend.az