Yeni Günəşlidə iki qohumunu qətlə yetirən şəxs tutuldu

Suraxanı rayonunun Yeni Günəşli qəsəbəsində iki qohumunu qətlə yetirməkdə şübhəli bilinən S.Mustafayev tutulub. Daxili İşlər Nazirliyindən SİA-ya verilən xəbərə görə, sentyabrın 24-də saat 12 radələrində Suraxanı rayonunun Yeni Günəşli qəsəbəsində 61 yaşlı Tamella və 88 yaşlı Simuzər Cavadovaların qətlə yetirilmiş meyitlərinin yaşadıqları evdə tapılması barədə 33-cü Polis Bölməsinə daxil olmuş məlumatla əlaqədar dərhal əməliyyat-axtarış tədbirləri həyata keçirilib. Bakı Şəhər Baş Polis İdarəsinin Cinayət Axtarışı İdarəsi və 33-cü PB əməkdaşlarının birgə keçirdikləri təxirəsalınmaz tədbirlər nəticəsində bu cinayəti törətməkdə şübhəli bilinən S.Cavadovanın nəvəsi S.Mustafayev müəyyən edilərək tutulub. Faktla bağlı cinayət işi başlanılıb, zəruri istintaq və əməliyyat-axtarış tədbirləri həyata keçirilir.

Sia.az

ƏVVƏLKİ XƏBƏR

Beynəlxalq münasibətlərdə parlamentin rolu - MƏQALƏ

SONRAKI XƏBƏR

Piyada faciəvi şəkildə öldü