Ermənistanda kənd sakinləri "Qazprom"un əməkdaşlarına hücum edib

Bakı. Trend:

Ermənistanın Geqarkunik vilayətində yerli sakinlər “Qazprom Armeniya” şirkətinin əməkdaşlarına hücum edib.

Trend-in erməni KİV-lərinə istinadən məlumatına görə, insidentdə Tsovagüh kəndinin 50-yə yaxın sakini iştirak edib.

Qeyd olunur ki, “Qazprom” əməkdaşları kənddə qaz oğurluğu barədə müraciətləri yoxlamaq üçün polis müşayiətində həmin bölgəyə gedib. Hadisə yerinə baxış keçirilən zaman sakinlər əməkdaşlara hücum ediblər.

Hücum zamanı bəzi əməkdaşlar, eləcə də iki polis əməkdaşı xəsarət alıb.

İnsidentlə əlaqədar bir neçə sakin saxlanılıb.

Trend.az

ƏVVƏLKİ XƏBƏR

Daha 3 futbol hakimi koronavirusa yoluxdu - Türkiyədə

SONRAKI XƏBƏR

Standartlara cavab verməyən su xətlərinin olduğu ərazilər açıqlandı