Ermənistanda "Qazprom"un əməkdaşlarına hücum edildi İKİ POLİS RƏİSİ DƏ XƏSARƏT ALDI

Ermənistanın Geqarkunik vilayətində "Tsovaqux" kəndinin onlarla sakini "Qazprom Ermənistan" şirkətinin əməkdaşlarına hücum edərək onları daş və ağaclarla döyüb, xidməti maşınlarını sındırıblar.

Virtualaz.org bildirir ki, bu barədə “Novosti Armeniya” məlumat yayıb.

Məlumata görə, kənd başçısı Vaqram Gevorkyan zorakılığı dayandırmaq əvəzinə, həmkəndlilərini "Qazprom"un əməkdaşlarına divan tutmağa sövq edib. Hadisə yerinə polis əməkdaşları gəldikdən sonra kənd başçısı həmkəndlilərinə polis əməkdaşlarını da döyməyi əmr edib.

Nəticədə, yalnız bir neçə polis əməkdaşı deyil, həm də Gavarın polis rəisi İqor Mesropyan və Sevanın polis rəisi Saribek Rüstəmyan da bədən xəsarətləri alıblar.

Məlumata görə, münaqişənin səbəbi "Qazprom" əməkdaşlarının kənd sakinləri tərəfindən uzun illər qazın oğurlanması faktlarını üzə çıxarmaları olub.

Virtualaz.org

Virtualaz.org

ƏVVƏLKİ XƏBƏR

Əməkdar artist: “Nərgizin ariyası”nı çox böyük həvəslə ifa etmişəm” - VİDEO

SONRAKI XƏBƏR

3 min 500-dən çox insan vaksinasiya edildi - NAZİR