Gədəbəydə bıçaqlanma hadisəsi baş verib.

APA-nın yerli bürosunun məlumatına görə, hadisə rayonun Dəyirmandağı kəndində qeydə alınıb.

1992-ci il təvəllüdlü Məsimova Zülfiyyə Faiq qızı bıçaq xəsarəti ilə xəstəxanaya yerləşdirilib. Yaralı dərhal əməliyyata götürülüb.

Məlum olub ki, 28 yaşlı qadın keçmiş həyat yoldaşı tərəfindən bıçaqlanıb. Hadisənin baş verməsi səbəbləri araşdırılır.

Mənbə: apa.az