Masallı sakini Lənkəranda hündürlükdən yıxılaraq ölüb.
"Report"un Cənub Mərkəzinin verdiyi xəbərə görə, hadisə Veravul kəndində baş verib.
Masallı rayonunun Kolatan kənd sakini, 1959-cu il təvəllüdlü Sübhan Qardaşxan oğlu Cahangirov usta işlədiyi fərdi yaşayış evində damdan yıxılaraq ağır xəsarət alıb. Lənkəran Rayon Mərkəzi Xəstəxanasına çatdırılan S.Cahangirova ilkin olaraq qapalı kəllə-beyin travması və daxili qulaq qanaxması diaqnozu qoyulub və Reanimasiya şöbəsinə yerləşdirilib. Lakin həkimlərin səyinə baxmayaraq, onun həyatını xilas etmək mümkün olmayıb.
Faktla bağlı araşdırma aparılır.

Mənbə: www.dia.az