Bakının Suraxanı rayonunda dava zamanı bir nəfər bıçaqlanıb.

APA xəbər verir ki, hadisə Hövsan qəsəbəsində qeydə alınıb.

Belə ki, Oqtay Şabanov küçəsində 1988-ci il təvəllüdlü Qasımov Kamil Bəhmən oğlu tanıdığı şəxslə mübahisə edib. Mübahisə davaya çevrilib. Hələlik naməlum şəxs K.Qasımova bıçaq bir neçə xəsarət yetirib.

Yaralı xəstəxanaya yerləşdirilib. Xəstəxananın növbətçi cərrahının APA-ya verdiyi məlumata görə, K.Qasımovun bədənin müxtəlif nahiyələrinə 8 bıçaq zərbəsi vurulub.

Faktla bağlı Suraxanı Rayon Polis İdarəsi araşdırma aparır.

 

Mənbə: apa.az