Beyləqanda qətl törədən və sifariş edənlərin apellyasiya şikayəti təmin edilməyib

Şirvan Apellyasiya Məhkəməsində Beyləqanda qətl törədən və qətli sifariş edən şəxslərin şikayətinə baxılıb.

APA-nın Mil-Muğan bürosunun məlumatına görə, hakim Etibar Camalovun sədrliyi ilə keçirilən prosesdə Əsədov Şahsuvar Şükür oğlunun və Sadıqova Əzizə Telmanovnanın apellyasiya şikayəti təmin edilməyib. Birinci instansiya məhkəməsinin onların barəsindəki hökmü ı qüvvədə saxlanılıb.

Qeyd edək ki, Lənkəran Ağır Cinayətlər Məhkəməsinin hökmü ilə Şahsuvar Əsədov 19 il, Əzizə Sadıqova 16 il 6 ay müddətinə azadlıqdan məhrum ediliblər.

İttihama əsasən, 2018-ci ilin iyul ayında Quba rayon sakini, 48 yaşlı İldırım Fərhadov itkin düşüb. Sonradan məlum olub ki, İ. Fərhadovu həyat yoldaşı 40 yaşlı Əzizə Sadıqovanın sifarişi ilə Beyləqan rayon sakini, 1980-ci il təvəllüdlü Şahsuvar Əsədov tüfənglə qətlə yetirib, Beyləqan rayonunun Dünyamalılar kəndindəki evinin həyətində basdırıb.

Apa.az

ƏVVƏLKİ XƏBƏR

Ziya Bünyadov prospektində qəza sıxlığa səbəb olub

SONRAKI XƏBƏR

AzTU-da yeni kafedra və şöbələr yaradıldı