Türkiyədə 15 gün ərzindən bir ailənin 4 üzvü COVİD-19-dan ölüb.

APA-nın yerli bürosunun yerli KİV-ə istinadla xəbərinə görə, Mersinin Tarsus rayonunda Karabulut ailəsində öncə iş adamı 37 yaşlı Murat Karabulut yeni növ koronavirusa (COVID-19) yoluxuaraq 14 noyabrda xəstəxanada ölüb. Ondan iki gün sonra 67 yaşlı anası Fadime, 10 gün sonra isə 40 yaşlı bacısı COVID-19-un qurbanı olub.

Bu gün isə ailənin 45 yaşlı üzvü Şehriban Karabulut xəstəxanada koronavirusdan vəfat edib.

Murat Karabulutun hamilə həyat yoldaşı isə bu ölümlərin sarsıntısından bətnindəki 7 aylıq körpəsini itirib.

Mənbə: apa.az