Türkiyədə keçmiş polis işçisi küçədə kağız toplayan şəxsi güllələyib.
Sonxeber.az Türkiyə mətbuatına istinadən xəbər verir ki, keçmiş polis işçisi olan Fazil.K Osman.G-ya xəbərdarlıq edərək, bu gün küçədəki kağızları özünün toplayacağını bildirib.
Fazil.K Osman.G-nın onu saymadan küçədəki kağızları topladığını öyrənib və mübahisə etməyə başlayıb. Mübahisə nəticəsində Fazil.K Osman.G-nı güllələyib.
Silah səsini eşidən ətrafdakı insanlar polisə və təcili tibbi yardıma xəbər veriblər.
Xəstəxanaya yerləşdirilən Osman. G-nın vəziyyətinin ağır olduğu bildirilir.
Onun güllələnmə anı ətrafdakı təhlükəsizlik kameraları tərəfində qeydə alınıb.
Həmin görüntüləri oxuculara əqdim edirik:
Mənbə: sonxeber.az