Amsterdamda iğtişaşlar zamanı partlayış törədildi - VİDEO

Niderlandın paytaxtı Amsterdamda koronavirus səbəbi ilə tətbiq edilən komendant rejiminə qarşı etiraz aksiyaları zamanı partlayış baş verib.

Demokratikmusavat.com qafqazinfo-ya istinadən xəbər verir ki, Osdorpda etirazçılar polislərə daş atır və avtomobilləri yandırır.

Sosial şəbəkələrdə paylaşılan videolardan görünür ki, naməlum şəxslər tərəfindən yandırılmış yük avtomobili partlayıb. İğtişaşların qarşısını almaq üçün əraziyə xüsusi təyinatlılar göndərilib. Vəziyyət hələ də sabitləşməyib.

Qeyd edək ki, ötən ilin dekabrından ölkədə koronavirus epidemiyasının qarşısını almaq məqsədilə məhdudlaşdırma tədbirləri görülür, ötən cümə günündən isə komendant saatı tətbiq edilir. Sakinlər karantinin uzadılması və onunla bağlı məhdudiyyətlərdən narazıdır. Aksiyaların çoxu polislə toqquşmalar, həmçinin vandallıq və qarətçiliklə başa çatır.

 

Demokratikmusavat.com

ƏVVƏLKİ XƏBƏR

Ötən il bank filialları azalsa da, ATM-lərin sayı artıb

SONRAKI XƏBƏR

Məşhur model qəti qərar verdi "Siqaret çəkməyəcəm"