Türkiyədə hərbi helikopter qəzası nəticəsində həlak olanların sayı artıb - YENİLƏNİB + FOTO/VİDEO

Türkiyədə hərbi helikopter qəzaya uğrayıb.

“Qafqazinfo” xəbər verir ki, bununla bağlı Türkiyə Milli Müdafiə Nazirliyi məlumat yayıb.

Bildirilib ki, qəza nəticəsində doqquz əsgər şəhid olub, dördü yaralanıb.

Hadisə Bitlisin Tatvan rayonunda, Nemrud dağının ətəklərində, yerli vaxtla 17.30-da qeydə alınıb. Qəzanın səbəbi hələlik bilinmir. Ancaq bölgədə duman olduğu qeyd edilir.

Nazirlikdən bildirilib ki, yaralı hərbçilərin xəstəxanlara yerləşdirilməsi ilə bağlı işlər davam etdirilir.

***

Türkiyədəki helikopter qəzasında ölənlərin sayı 10-a çatıb.

“Anadolu” Agentliyinin məlumatına görə, hadisə nəticəsində yaralanan hərbçilərdən biri xəstəxanada vəfat edib.

Qeyd edək ki, qəzada həlak olanlar arasında Türkiyə Quru Qoşunlarının 8-ci korpusunun komandanı general Osman Erbaş da var.

 

Mərhum generalın Türkiyədə hərbi PUA sənayesinin inkişafında xüsusi xidmətləri olduğu bildirilir. Bu barədə, məşhur zərbə PUA-larının yaradıcısı Səlcuk Bayraqdar özünün “Twitter” səhifəsində yazıb. Qəzanın səbəbləri hələ ki, açıqlanmayıb.

19:57

Türkiyənin Tatvan ilçəsinin Çəkməcə kəndi yaxınlığında ölkənin silahlı qüvvələrinə məxsus helikopter qəzaya uğrayıb.

Türkiyə Müdafiə Nazirliyinin məlumatına əsasən, hadisə günorta saatlarında baş verib. Qəza nəticəsində doqquz hərbçinin öldüyü, dörd nəfərin isə yaralandığı bildirilir.

Hadisənin səbəbləri araşdırılır.

 

Qafqazinfo.az

ƏVVƏLKİ XƏBƏR

Defnenin qızı Derin liseyi başa vurdu - FOTO

SONRAKI XƏBƏR

Qatlanan “iPhone” haqqında yeni təfərrüatlar məlum olub