Selfi çəkdirərkən kanala düşdü, meyiti indi tapıldı

Siyəzən rayonunda su kanalında batan yeniyetmə tapılıb.

Bu barədə “Report”a Fövqəladə Hallar Nazirliyindən məlumat verilib.

Bildirilib ki, aprelin 20-də Taxtakörpü-Ceyranbatan su kanalının Siyəzən rayonu ərazisindən keçən hissəsində batdığı ehtimal olunan 2007-ci il təvəllüdlü Quliyev Murad Şahin oğlunun axtarışları başa çatıb.

M.Quliyevin meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq kanaldan çıxarılıb və aidiyyəti üzrə təhvil verilib.

“Report”un əldə etdiyi məlumata görə, M.Quliyev digər uşaqlarla birgə su kanalına selfi çəkdirməyə gedibmiş. Həmin vaxt onun ayağı sürüşüb, kanala yıxılaraq batıb.

Minval.info

ƏVVƏLKİ XƏBƏR

“Azərpoçt”un əməkdaşları fəxri adlarla təltif ediliblər

SONRAKI XƏBƏR

Xankəndində sülhməramlıların paradına kimlər qatılacaq? - Ermənilər üçün şans