“Rabitəbank”ın xəzinədarı yarım milyon manatdan çox pul mənimsədi

“Rabitəbank” ASC-nin Lənkəran rayon filialının xəzinədarı Sadıqzadə Cəfər Ceyhun oğlunun qanunsuz hərəkətləri barədə daxil olmuş müraciət əsasında Lənkəran rayon prokurorluğunda araşdırma aparılmışdır.

Araşdırmalarla Cəfər Sadıqzadə tərəfindən öz qulluq mövqeyindən istifadə etməklə işlədiyi bankda ona etibar edilmiş kassadan ümumilikdə 563 min manat və 1300 ABŞ dolları məbləğində maliyyə vəsaitini şəxsi ehtiyaclarına sərf etməklə mənimsəməsinə əsaslı şübhələr müəyyən edilmişdir.
Qeyd edilən faktla bağlı Lənkəran rayon prokurorluğunda Cinayət Məcəlləsinin 179.4 (mənimsəmə xüsusilə külli miqdarda ziyan vurmaqla törədildikdə) maddəsi ilə cinayət işi başlanmışdır.

20 aprel 2021-ci il tarixdə Cəfər Sadıqzadə şübhəli şəxs qismində tutulmuşdur.

Hazırda cinayət işi üzrə zəruri istintaq tədbirləri davam etdirilir.

Report.az

ƏVVƏLKİ XƏBƏR

Putin yenə Qarabağda müharibəni dayandırmaqda həlledici rolunu vurğuladı “ƏGƏR KİMSƏ RUSİYAYA MÜNASİBƏTDƏ ÖZÜNDƏNRAZI TON İSTİFADƏ EDƏRSƏ...”

SONRAKI XƏBƏR

"Müsbət irəliləyiş var, maska məcburiyyəti aradan qaldırıla bilər" - Müsahibə