Evdə tək yaşayan qadın qətlə yetirildi - YENİLƏNİB + FOTO

Ağstafa rayonunun Köçəsgər kəndində 62 yaşlı qadının evində öldürülməsi ilə bağlı yeni detallar məlum olub.

Oxu.Az-ın əldə etdiyi məlumata görə, qadının evindən qızıl-zinət əşyaları oğurlanıb.

Həmçinin qeyd edilib ki, qadın Köçəsgər kəndində tək yaşayırmış.

Belə ki, verilən ilkin məlumatlara görə, 62 yaşlı Hüseynova Çiçək Əli qızının əri tərəfindən öldürüldüyü bildirilsə də, dəqiqləşdirmələr zamanı onun tək yaşadığı evdə naməlum şəraitdə boğularaq qətlə yetirildiyi açıqlanıb.

Kənd sakinlərinin sözlərinə görə, qadın 32 ildir ailəli olsa da, övladı olmayıb.

Cinayəti törədən şəxsin axtarışları istiqamətində hüquq-mühafizə orqanları tərəfindən axtarışlar davam etdirilir.

 

20:20

Ağstafa rayonunda kişi arvadını öldürüb.

Oxu.Az-ın əldə etdiyi məlumata görə, hadisə rayonun Köçəsgər kəndində baş verib.

Belə ki, kənd sakini 62 yaşlı Ç.Hüseynova həyat yoldaşı tərəfindən ailə məişət zəminində yaranan problem səbəbindən qətlə yetirilib.

İlkin məlumatlara görə, kişi qadını boğaraq öldürüb.

Faktla bağlı polisə məlumat verilib, araşdırma aparılır.

Oxu.az

ƏVVƏLKİ XƏBƏR

İsrail səfiri: “Bütün terror infrastrukturu məhv olana qədər hərbi əməliyyatlar davam edəcək”

SONRAKI XƏBƏR

"Tottenhem"dən qələbə