Türkiyədə BƏƏ-yə gedən konteynerlərdə axtarış: 313 milyonluq narkotik tapıldı

Türkiyə Ticarət Nazirliyinin gömrük mühafizə dəstələri tərəfindən külli miqdarda narkotik vasitə ələ keçirilib.

Bu barədə Türkiyənin Ticarət naziri Mehmet Muş sosial şəbəkə hesabında bildirib.

“BƏƏ-yə tranzit üçün İskəndərun Limakport limanına gələn 17 konteyner yük “bina daşı” kimi göstərilsə də, 15-16 may tarixlərində Hatay Gömrük Mühafizə Qaçaqmalçılıq və Kəşfiyyat İdarəsininin personalı tərəfindən axtarış aparılıb.

Axtarış zamanı 11 konteynerin içində 1072,6 kiloqram (6264259 ədəd) “Captagon” tipli narkotik həb ələ keçirilib. Tapılan maddənin dəyəri təxminən 313 milyon türk lirəsidir (təxminən 63 milyon manat)”, - deyə nazir bildirib.

Oxu.az

ƏVVƏLKİ XƏBƏR

Putinin mükafatlandırdığı Ədalət Hacıyev KİMDİR - DOSYE

SONRAKI XƏBƏR

Naməlum Ferrari superkarının şəkli peyda olub - FOTO