Rusiyanın Samara vilayətində 9-cu sinif şagirdinin meyiti tapılıb.
“Baza” “Telegram” kanalı məlumat verir ki, 16 yaşlı qızın qətlə yetirilməsində polkovnik-leytenant şübhəli bilinir.
Qeyd edilir ki, məmur məktəbli ilə sevgili olub. Onlar tez-tez rusiyalı məmurun avtomobilində görüşüblər.
Son zamanlar onların arasında gərginlik yaranıb. Yeniyətmə polkovnik-leytenantı onunla münasibətləri barədə hamıya deyəcəyi ilə hədələyib. Bu da cinayət hadisəsinin baş verməsinə səbəb olub.
Qıza 5 bıçaq zərbəsi endirilib. Şahidin sözlərinə görə, naməlum şəxs məktəblini uzun müddət torpağa sıxıb, sonra isə “Toyota” markalı avtomobilə minərək hadisə yerindən uzaqlaşıb.
Məlum olub ki, belə avtomobili polis polkovnik-leytenantı, ağır və xüsusilə ağır cinayətlərin açılması şöbəsinin rəisi idarə edir.
Həmin şəxs tutulub.
Mənbə: www.oxu.az