Ukrayna təyyarələri Türkiyədə - FOTOLAR

Ukrayna Dövlət Fövqəladə Hallar Xidmətinin yanğınsöndürən təyyarələri Türkiyəyə gəlib. xəbər verir ki, bu barədə dövlət xidmətinin saytında məlumat yerləşdirilib.

"Ukrayna türk yanğınsöndürənlərinə kömək etmək üçün "An-32P" yanğınsöndürmə təyyarələrinin iki heyətini göndərdi. Bunlar dağlıq ərazilərdə artıq təcrübəsi olan və əvvəllər Monteneqro, İsrail və Gürcüstanda geniş miqyaslı yanğınların söndürülməsində iştirak etmiş təcrübəli mütəxəssislərdir. Saat 15: 08 -də Odessadan havaya qalxan təyyarələr saat 17: 53 -də "Qazipasha Alaniya" hava limanına enib",-məlumatda deyilir.



Qeyd edək ki, alovun yayıldığı ərazinin ümumi sahəsi 1500 hektardan çoxdur. Yanğınlar nəticəsində 4 nəfər ölüb, 183 nəfər isə müxtəlif bədən xəsarətləri alıb. Onlardan 58 nəfər xəstəxanaya yerləşdirilib, 100 -dən çox ev və tikililiyə ziyan dəyib. Xilasetmə xidmətləri 36 meşə yanğınını nəzarət altına alıb, 20 yanğının söndürülməsi isə davam edir.







Tural Tağıyev

Azvision.az

ƏVVƏLKİ XƏBƏR

Alimlər terroru əvvəlcədən xəbər verən alqoritm yaratdılar

SONRAKI XƏBƏR

“Traktor” 4-cü oldu, “Maşinsazi” elita ilə vidalaşdı