Ermənistanda Rusiya vətəndaşı saxlanılıb

Ermənistan Polisinin Operativ İdarəsinə banklardan birinin paytaxt Yerevanın Baqramyan prospektindəki filialında siqnalizasiyanın işə düşməsi barədə məlumat daxil olub.

Bu barədə “Report” “Shamshyan.com”a istinadən xəbər verir.

Qeyd edilir ki, hadisə yerinə gedən polis əməkdaşıarı bankın filialının şüşəsinin sındırıldığını, həmçinin zalda bir kişini aşkarlayıblar. Binaya daxil olan polis əməkdaşları onu zərərsizləşdiriblər. Bundan sonra əraziyə təcili yardım çağırılıb və o, tibb mərkəzinə aparılıb.

Araşdırmalar zamanı həmin şəxsin Rusiya vətəndaşı, 31 yaşlı Stanislav K. olduğu müəyyənləşdirilib. Məlum olub ki, o, Ermənistana 2 gün əvvəl gəlib.

Fakt üzrə araşdırma aparılır.

Report.az

ƏVVƏLKİ XƏBƏR

Fransada 150 baykerin iştirakı ilə davada bir nəfər ölüb

SONRAKI XƏBƏR

Anjelika Trapeznikova: Rusiya ilə Azərbaycan arasında əməkdaşlıq Xəzəryanı regionda mühüm strateji əhəmiyyət kəsb edir