Marneuli rayonunun Şulaveri qəsəbəsində oğurluq hadisəsi baş verib.

Modern.az xəbər verir ki, hadisə ötən gecə baş verib. Belə ki, Şulaveri qəsəbəsində olan evlərdən birində tək yaşayan 80 yaşlı qadının evinə 3 nəfər soyğunçu daxil olub və yaşlı qadının əl-qolunu bağlayıb onu bıçaqla hədə-qorxu gəliblər.

Yaşlı qadını ölümlə hədələyən soyğunçular, evdə olan pul və zinət əşyalarını oğurlayıblar. Məlumata əsasən, Daxili İşlər Nazirliyi faktla bağlı istintaq başladıb, lakin hələlik saxlanılan olmayıb.

Mənbə: modern.az