Əfqanıstanın paytaxtı Kabildə növbəti terror aktı törədilib.

AZƏRTAC yerli mətbuata istinadla xəbər verir ki, “Taliban” əsgərləri avtomobillə hərəkət edərkən şəhərin mərkəzində silahlı hücuma məruz qalıblar. Nəticədə 1 əsgər ölüb, 7-si isə yaralanıb.

Hadisə yerinə əlavə qüvvələr cəlb edilib. Hücum edənlər hadisə yerindən uzaqlaşıblar. Onların axtarışları davam edir.

Qeyd edək ki, cari ayda Əfqanıstanda ağır nəticələrə səbəb olan üç terror aktı baş verib. İki məscidin partladılması nəticəsində 100 yaxın insan həlak olub.

Rabil Kətanov

 

Mənbə: azertag.az