Ermənistanda döyüş mövqeyini itirdiyi üçün tabor komandiri olan zabit həbs edilib.

Bu barədə ölkənin Baş prokurorluğunun nümayəndəsi Qor Abramyan özünün “Facebook” səhifəsində məlumat yayıb.

Azərbaycan ordusunun qarşısında tab gətirməyən mayor rütbəli hərbçi digər yeddi hərbi qulluqçu ilə yanaşı postu ataraq qaçıb.

Ermənistan baş prokurorluğu tərəfindən “ağır nəticələrə gətirib çıxaran döyüş xidməti qaydalarının pozulması” maddəsilə cinayət işi açılan komandir barəsində məhkəmənin qərarı ilə həbs qətimkan tədbiri seçilib.

Mənbə: www.oxu.az