Qaxda yol qəzasında bir neçə nəfər xəsarət alıb, kənd qazsız qalıb

Qax rayonunda xəsarətlə nəticələnən yol qəzası baş verib.

"Report"un Şimal-qərb bürosunun məlumatına görə, hadisə axşam saatlarında Marsan kəndində qeydə alınıb.

Qax rayonunun Fıstıqlı kənd sakini, İbrahim Rəhimov idarə etdiyi "VAZ-2106" markalı 34-BH-052 dövlət qeydiyyat nişanlı avtomobillə hərəkətdə olarkən idarəetməni itirib. Nəticədə avtomobil yoldan çıxaraq kənd sakininə məxsus həyətyanı sahənin dəmir hasarına və qaz xəttinə çırpılıb. Qəza zamanı İ.Rəhimov və sərnişin Ceyhun Nurullayev müxtəlif dərəcəli xəsarətləri alıblar.

Yaralılar Qax Rayon Mərkəzi Xəstəxanasına yerləşdiriliblər. Hadisə yerinə polis əməkdaşları və təcili tibbi yardım briqadası cəlb olunub.

Qəza zamanı qaz borusunun zədələnməsi səbəbindən Marsan kəndinə təbii qazın verilişi müvəqqəti dayandırılıb.

Faktla bağlı araşdırma aparılır.

Report.az

ƏVVƏLKİ XƏBƏR

Naumovun oğlu atasının pərəstişkarlarına çağırış etdi: "Dəfnə gəlməyin!"

SONRAKI XƏBƏR

ABŞ-da məktəbə silahlı hücum olub: 4 nəfər yaralanıb