Yakutiyalı uşağın birbaşa telefon bağlantısı zamanı Rusiya Prezidentindən xahiş etdiyi inək onun ailəsinə təhvil verilib.

Teleqra.com xəbər verir ki, bu barədə Yakutiya Muxtar Respublikası başçısının və hökumət aparatının mətbuat xidməti məlumat yayıb.

Bundan əvvəl sosial şəbəkə istifadəçiləri prezidentin birbaşa xəttinə zəng vuraraq, operator vasitəsilə ailəsinə inək almağa kömək xahişini edən yakutiyalı oğlan haqqında məlumat yayıblar. Xahiş respublikanın Kənd Təsərrüfatı Nazirliyinə yönəldilib. Məktəblinin ailəsi nazirlikdən “Aqrostartap” proqramında iştirak etmək və inək almaq üçün qrant təklifi alıb.

Respublikanın kənd təsərrüfatı naziri Aleksandr Atlasov daha əvvəl RİA Novosti-yə bildirmişdi ki, inək bu günlərdə oğlanın ailəsinə təhvil veriləcək, bundan əlavə onların yaşayış şəraiti yaxşılaşdırılacaq.

“Bu günlərdə “Mındaqay” kənd təsərrüfatı istehsalı kooperativindən bir inək Sokolnikovlar ailəsinə təhvil verilib”, - mətbuat xidmətindən bildirilib.

Cümə axşamı Çurapçinsk ulusuna işgüzar səfəri zamanı respublika başçısı Aysen Nikolayev Alyoşa Sokolnikova zəng edib:

“Mən bu gün Alekseylə danışdım, o, xahişinə diqqət yetirildiyinə görə hər kəsə təşəkkür etdi. Bütün Sokolnikov ailəsi yeni bir inək sahibi olduqları üçün çox xoşbəxtdir. Ona artıq ad da verilib – Keskileene. Yakutiya uluslarında əksər ailələr yardımçı torpaqlarda yaşayırlar. Uşağın valideynlərinə kömək etmək istəyi başadüşüləndir. Təbii ki, hakimiyyət orqanları da belə məsələlərin həllində iştirak etməlidir”.

Mənbə: teleqraf.com