Azərbaycanda faciə: maşınla kanala düşüb boğuldular - FOTO/VİDEO

APA-nın Mil-Muğan bürosunun məlumatına görə, hadisə Sabirabad rayonunun Nərimankənd kəndində qeydə alınıb.

Sabirabad rayonunun Nərimankənd kənd sakinləri, 1990-cı il təvəllüdlü Bayramov Fəyyal Eldar oğlu idarə etdi “QAZ-31” markalı 54 BM 990 dövlət nömrə nişanlı avtomobil sürətlə hərəkətdə olarkən kənd ərazisində yerləşən Sabir adına kanala aşıb. Nəticədə sürücü və avtomobildə olan sərnişin kənd sakini, 1989-cu il təvəllüdlü Məmmədov Cəlal Qubad oğlu suda boğularaq ölüblər. Meyitləri sudan çıxarmaq üçün hadisə yerinə Fövqəladə Hallar Nazirliyinin Sabirabad YMX-nın xüsusi riskli xilasetmə qüvvələri cəlb edilib. Meyitlər sudan çıxarılaraq müayinə olunmaq üçün Sabirabad Məhkəmə Tibbi Ekspertiza və Patoloji anatomiya mərkəzinə yerləşdirlib.

Faktla bağlı Sabirabad polis şöbəsi tərəfindən araşdırma aparılır.

***

Sabirabadda yoldan çıxaraq suya düşmüş avtomobil çıxarılıb.

APA-nın hadisə yerində olan müxbirinin məlumatına görə, “QAZ-31” markalı minik avtomobili xüsusi texnikanın köməyi ilə Sabir kanalından çıxarılıb.

***

Sabirabadda avtomobilin kanala düşməsi nəticəsində həlak olanların şəxsiyyəti müəyyən edilib.

APA-nın Mil-Muğan bürosunun məlumatına görə, bunlar rayonun Nərimankənd kənd sakinləri, 1990-cı il təvəllüdlü Bayramov Fəyyal Eldar oğlu və 1989-cu il təvəllüdlü Məmmədov Cəlal Qubad oğludur.

***

Avtomobilin kanala düşməsi ölümlə nəticələnib.

APA-nın Mil-Muğan bürosunun məlumatına görə, hadisə Sabirabad rayonunun Nərimankənd kəndində qeydə alınıb.
“QAZ-31” markalı avtomobilin kanala aşması nəticəsində avtomobildə olan 2 nəfər ölüb. Hazırda avtomobilin sudan çıxarılaması istiqamətində işlər aparılır.

Faktla bağlı araşdırma aparılır.

 

Milli.az

ƏVVƏLKİ XƏBƏR

Azərbaycanda 5 BOKT-un aktivləri - 15 Milyon Manatdan Çoxdur

SONRAKI XƏBƏR

Bakının məşhur qonaqları: Turqut Özalı Azərbaycana gətirən SƏBƏB - FOTOLAR