BMT-nin əməkdaşı Türkiyədə qar uçqunu altında qalaraq həlak olub

Türkiyənin Kayseri vilayətinin Erciyes Xizək Mərkəzində sürüşmə zolağından çıxan üç kanadalı turist qar uçqun altında qalıb. Onların Birləşmiş Millətlər Təşkilatının əməkdaşları olduğu bildirilir.

AZƏRTAC xəbər verir ki, Erciyes rayonunun 2700 metr hündürlük bölgəsindən dərəyə sürüşməyə cəhd edən turistlərin özləri tərəfindən yaradılan uçqun altında qaldığı müəyyən edilib. Turistlərdən ikisi axtarış-xilasetmə qrupları tərəfindən xilas edilib. Bir nəfərin isə cəsədi tapılıb. Həyatını itirən turist, 45 yaşlı Maykl Kreeftin Türkiyənin Qaziantep vilayətində yerləşən Birləşmiş Millətlər Təşkilatının Koordinasiya Mərkəzinin üzvü olduğu bildirilir.

Günel Məlikova

 

Azertag.az

ƏVVƏLKİ XƏBƏR

Ötən ay komaya düşən tələbə dünyasını dəyişdi

SONRAKI XƏBƏR

7 yaşlı rus qız Yutubdan 28 milyon dollar qazandı