Türkiyədə qar səbəbindən 52 vilayətdə məktəblər bağlanıb

Ankara, 19 yanvar, AZƏRTAC

Türkiyənin əksər bölgələrində havanın temperaturu kəskin aşağı düşüb, güclü qar yağır. Bu səbəbdən ölkənin 52 vilayətində məktəblər bağlanıb.

AZƏRTAC xəbər verir ki, bir sıra bölgələrdə avtomagistrallarda hərəkət dayandırılıb.

Təkcə Tarsus-Adana-Qaziantəp magistralında iki min insan yollarda qalıb. Xilasedici dəstələr onların köməyinə çatıb.

Güclü qarın davam etməsi və yolların buz bağlaması ilə bərabər havanın çənli olması nəqliyyatın hərəkətində böyük çətinliklər yaradıb. Əhaliyə müraciət edilib ki, qarlı və çovğunlu bölgələrdə ciddi zərurət olmadıqla yola çıxmasınlar.

Sabir Şahtaxtı

AZƏRTAC-ın xüsusi müxbiri

Ankara

Azertag.az

ƏVVƏLKİ XƏBƏR

İdarəetmə Sistemləri İnstitutunun əməkdaşları Şəhidlər xiyabanını ziyarət ediblər

SONRAKI XƏBƏR

Ərdoğan Ukraynaya səfər edəcək