İran polisi 8 yaşlı güneyli qızı güllələdi

Paralel.az xəbər verir ki, İranın polis qüvvələri yanvarın 19-da Zəncan şəhərində “Pejo 405” markalı minik avtomobilinə atəş açaraq Məzgin Pələngini adlı 8 yaşlı azərbaycanlı qızı öldürüb.

Sosial media fəalları və insan haqları təşkilatlarının verdiyi məlumata görə, qanlı insident nəticəsində onun 16 yaşlı bacısı ağır yaralanıb. Məlumatda bildirilir ki, azərbaycanlı ailə Qərbi Azərbayacan vilayətinin Makı şəhərinin Molla Həsən kəndindəndir.

Ana, iki qızı və oğlu Tehran şəhərində yaşayan qohumlarının görüşünə gedirmiş. Məlumata görə, Məzginin atası iki il öncə dünyasını dəyişib. Onun 16 yaşlı yaralı bacısının isə vəziyyəti ağırdır. Yaralı qız xəstəxananın reanimasiya şöbəsinə yerləşdirilib.

Sosial media fəallarının bildirdiyinə görə, silahlı polislər heç bir xəbərdarlıq etmədən minik avtomobilinə atəş açıblar. Onlar həyatını itirən Məzgin Pələnginin cənazəsini ailəsinə təhvil verməkdən imtina edir.
Akif Nəsirli

Paralel.az

ƏVVƏLKİ XƏBƏR

Əlikram barədə arvadı NƏLƏR DEMƏDİ? - Uşağı ilə maraqlanmır...

SONRAKI XƏBƏR

Aleksandr Lukaşenko: “Belarusun cənub sərhədlərində vəziyyət ağırlaşır"