Perunun paytaxtı Limada fövqəladə vəziyyət rejimi elan edilib

Peru hökuməti cinayətkarlığın artması səbindən ölkənin paytaxtı Limada və ona bitişik Kalyao muxtar dairəsində 45 gün müddətinə fövqəladə vəziyyət rejimi elan edib.

AZƏRTAC Andina agentliyinə istinadla xəbər verir ki, fövqəladə vəziyyət rejiminin qüvvədə olduğu dövrdə vətəndaşların bəzi hüquq və azadlıqları, məsələn, mənzil toxunulmazlığı, sərbəst toplaşmaq və şəxsi toxunulmazlıq hüququ məhdudlaşdırılacaq. İctimai təhlükəsizliyə əvvəlki kimi polis nəzarət etsə də, onlar zəruri hallarda dəstək üçün orduya müraciət edə biləcəklər.

“Polisə hər hansı bir yerdə cinayətkar qruplaşmanın və ya cinayət törədən şəxsin olması barədə məlumat daxil olduqda onlar məhkəmənin icazəsini almadan otağa girə biləcək”, - deyə Perunun Daxili İşlər Nazirliyinin nümayəndəsi Dimitri Senmaçe məsələyə aydınlıq gətirib.

Azertag.az

ƏVVƏLKİ XƏBƏR

Gürcüstanda Aİ və NATO-ya üzvlüyün tərəfdarlarının sayı artır

SONRAKI XƏBƏR

Afrika Millətlər Kubokunda stadion problemi yaranıb