Biabırçı görüntülərin yayıldığı məktəbin adı məlum oldu: Araşdırma başladıldı - YENİLƏNİB + VİDEO

Azərbaycanda şagirdlərin qeyri-etik hərəkətlər etdiyi məktəbin adı məlum olub.

Oxu.Az-ın məlumatına görə, hadisə “İntellekt” məktəb-liseyində baş verib.

Məktəbdən Oxu.Az-ın sorğusuna cavab olaraq bildirilib ki, “İntellekt” məktəb-liseyində şagirdlərin sinif otağında tədris prosesinə uyğun olmayan davranışının əks olunduğu videogörüntü ilə bağlı məktəb rəhbərliyi tərəfindən müvafiq araşdırma aparılır və zəruri profilaktiki tədbirlər görülür.

***

Azərbaycanda məktəblərin birində şagirdlər qeyri-etik hərəkətlər ediblər. 

Oxu.Az-ın məlumatına görə, bu barədə görüntülər sosial şəbəkədə yayılıb. 

Şagirdlər dərs prosesi zamanı müəllimin qarşısında rəqs edib, partaları aşırıb və idman hərəkətləri ediblər.

Çəkilən görüntülərin hansı məktəbə aid olması məlum deyil.

Qeyd edək ki, bir neçə gün əvvəl Bakının Xətai rayonu, 165 saylı tam orta məktəbdə şagirdlərin sinif otağında tədris prosesinə uyğun olmayan davranışlar nümayiş etdiriblər.

Nəticədə dərsin təşkilində yol verdiyi nöqsanlara görə fənn müəlliminə töhmət verilib, məktəbin direktor müavinləri ilə bağlı tənbeh tədbirləri görülməsi üçün isə təqdimat verilib.

 

Oxu.az

ƏVVƏLKİ XƏBƏR

Putin ABŞ-a cavab üçün vaxt və forma axtarır

SONRAKI XƏBƏR

Qarabağda fəaliyyət göstərən sahibkarlara güzəştli kreditlər verilir