Hörümçəkdən sonra meymunçiçəyi: Dilçilər də bölünüb?

Hörümçəkdən sonra meymunçiçəyi: Dilçilər də bölünüb?<span class="qirmizi"></span>

Son günlər dünyanın bir neçə ölkəsində meymunçiçəyi virusu sürətlə yayılır.

Azərbaycan mətbuatında bununla bağlı məlumatlar dərc olunduqda virusun adı müxtəlif formalarda, əksər hallarda dırnaq içərisində və söz birləşməsi kimi yazılır. Meymunçiçəyi sözünün yazılışı ilə bağlı mübahisəli fikirlər səslənirdi.

Nəhayət, AMEA-nın Dilçilik İnstitutu bununla bağlı qərar verdi və sözün bir yerdə, dırnaqsız və kiçik hərflə yazılacağı bildirildi. Bu isə sosial şəbəkələrdə müzakirələr yaratdı.

Azərbaycan Milli Elmlər Akademiyasının (AMEA) müşaviri, AMEA Dilçilik İnstitutunun sabiq direktoru, akademik Möhsün Nağısoylu Cebhe.info-ya bildirib ki, "Azərbaycan dilinin orfoqrafiya lüğəti"nin məsul redaktoru Nəriman Seyidəliyev və İsmayıl Məmmədlidir:

"Bununla bağlı onlara müraciət edin. Məm sadəcə lüğətin elmi redaktoruyam".

Xatırladaq ki, lüğətin elmi redaktoru akademik Möhsün Nağısoylu, məsul redaktorları filologiya elmləri doktoru, professor İsmayıl Məmmədli, filologiya elmləri doktoru Nəriman Seyidəliyevdir. Azərbaycan Milli Elmlər Akademiyası Nəsimi adına Dilçilik İnstitutunun Tətbiqi dilçilik şöbəsinin baş elmi işçisi Nəriman Seyidzadə bildirib ki, meymunçiçəyi bitişik və dırnaqsız yazılır.

Xatırladaq ki, bir müddət öncə də hörümçək sözünün 2021-ci ildə nəşr olunan "Azərbaycan dilinin orfoqrafiya lüğəti"ndən çıxarılması və spayder sözü ilə əvəz olunması da mübahisələrə səbəb olmuşdu.

 

 

Mənbə: big.az