Qorxulu hepatit 33 ölkədə: 9 uşaq öldü, 75%-dən çoxu..

Qorxulu hepatit 33 ölkədə: 9 uşaq öldü,  75%-dən çoxu..<span class="qirmizi"></span>

Artıq dünyanın 33 ölkəsində mənşəyi məlum olmayan 650 kəskin hepatit halı müəyyən edilib. Əksər hallar Avropa və Amerikada qeydə alınıb.

Milli.Az publika.az-a istinadən xəbər verir ki, bu barədə Ümumdünya Səhiyyə Təşkilatı məlumat yayıb.

Mayın 26-na olan məlumata görə, 650 xəstəliyə yoluxma halı müəyyən edilib, daha 99-u təsnifləşdirilməlidir. Xəstəliklərin 58%-i Avropada, onların 34%-i Böyük Britaniya və Şimali İrlandiyada qeydə alınıb.

Daha 240 hadisə hər iki Amerikada, 34-ü Qərbi Sakit okeanda, 14-ü Cənub-Şərqi Asiyada və daha 5-i Şərqi Aralıq dənizində qeydə alınıb.

Qeyd olunur ki, hepatit hallarının 75%-dən çoxu beş yaşadək uşaqlarda baş verib. Adətən uşaqlarda kəskin qaraciyər çatışmazlığı inkişaf edir və xəstələrin 6%-i qaraciyər transplantasiyasına ehtiyac duyur. ÜST 9 uşağın öldüyünü bildirib.

Təşkilatın məlumatına görə, mənşəyi məlum olmayan kəskin hepatit artıq Argentina, Avstriya, Belçika, Bolqarıstan, Kanada, Kipr, Danimarka, Fransa, Yunanıstan, İndoneziya, İrlandiya, İsrail, İtaliya, Yaponiya, Maldiv adaları, Meksika, Moldova, Hollandiya, Hollandiya, Panama, Polşa, Cənubi Koreya, Rumıniya, Serbiya, Sinqapur, Slovakiya, Sloveniya, İspaniya və İsveçdə mövcuddur.

Milli.Az

Mənbə: news.milli.az