Toy faciəyə döndü - Gəlin öldü, Bəy həbsə düşdü - VİDEO

Türkiyənin Kocaelinin şəhərində toyda zinət əşyaları ilə bağlı dava düşüb.

Milli.Az "Star" qəzetinə istinadən xəbər verir ki, hadisə ötən gün axşam saatlarında Esentepe məhəlləsində Yaşar Doğu küçəsində baş verib. Toya qatılan Şencan ailəsi bəylə gəlinə qramı az olan qızıl taxıb.

Qarşı tərəfin "sənin toyunda böyük qızıl taxmışdıq, niyə dörddə bir qızıl taxırsan?" sözlərindən sonra tərəflər arasında mübahisə yaşanıb.

Daha sonra Şencan ailəsinin evinin qarşısında görüşən tərəflər arasındakı mübahisə davaya çevrilib. Gültən Şencan, Tarık Öztürk və Tayfur Dağtekin tapançadan açılan atəş nəticəsində yaralanıb. Bütün müdaxilələrə baxmayaraq ağır yaralı Gülten Şencanın həyatını xilas etmək mümkün olmayıb.

G.Şencanın əri Yılmaz Şencanın silahından açılan güllədən öldüyü müəyyən edilib.

Yılmaz Şencan həbs olunub, davada iştirak edən oğlu isə məhkəmə nəzarətindən sonra sərbəst buraxılıb.

Milli.Az

 

 

Milli.az

ƏVVƏLKİ XƏBƏR

Rüsum ləğv edildi, ət isə ucuzlaşmayacaq

SONRAKI XƏBƏR

NFT texnologiyasının inkişaf perspektivləri tədqiq edilir