Bakıda orduya dəstək yürüşündə iğtişaş törətməkdə təqsirləndirilən şəxsin barəsindəki qərar ləğv edildi

Ali Məhkəmədə Tovuz hadisələrindən sonra Bakıdakı yürüş zamanı iğtişaş törətməkdə təqsirləndirilən İsmayıl Həsənov, Ceyhun Novruzov, Gündüz Mirzəyev və Telman Seyfullayev Bakı Apellyasiya Məhkəməsinin qərarından verdikləri kassasiya şikayətinə baxılıb.

Trend-in məlumatına görə, prosesdə şikayət araşdırılıb və qərar elan olunub. Ali Məhkəmənin qərarı ilə Telman Seyfullayev barəsində çıxarılan qərar ləğv edilib və iş baxılması üçün yenidən BakıApellyasiya Məhkəməsinə göndərilib.

Digər 3 nəfərin şikayəti isə təmin edilməyib.

Xatırladaq ki, 2020-ci il iyulun 14-dən 15- nə keçən gecə Bakıda Tovuz hadisələri ilə bağlı yürüş keçirilib. Yürüş zamanı bəzi şəxslər Milli Məclisin binasına qanunsuz daxil olaraq binaya zərər vurub.

Hadisə ilə bağlı ümumilkdə 36 nəfər saxlanılıb.

İctimai asayişin pozulması, hakimiyyət nümayəndəsinə qarşı zor tətbiq etmə və başqa və digər əməllərdə təqsirləndirilən şəxslərə müxtəlif müddətlərə şərti cəza təyin edilib.

Trend.az

ƏVVƏLKİ XƏBƏR

Aİ su ehtiyatlarının idarə olunmasında Azərbaycana köməyini davam edəcək - Peter Mixalko

SONRAKI XƏBƏR

“Xəzər sammitinin özü Rusiya tərəfindən “Biz də varıq” mesajıdır..."