Özünü asan polisin FOTOSU (YENİLƏNİB)

Xəbər verdiyimiz kimi, Sumqayıt şəhər Polis İdarəsinin 2-ci polis bölməsinin sabiq əməkdaşı, polis serjantı, 1996-cı il təvəllüdlü Fuad Ağayev xiyaban ərazisindəki ağacdan özünü asaraq intihar edib.

"Unikal" Fuad Ağayevin fotosunu əldə edib.

Onun Sumqayıt şəhərinin 42-ci məhəllə sakini olduğu deyilir.

***

Sumqayıt şəhərində sabiq polis əməkdaşı intihar edib.

Trend-in məlumatına görə, hadisə bu gün axşam saatlarında Sumqayıt şəhərindəki Şəhidlər Xiyabanı ərazisində baş verib.

Sumqayıt şəhər Baş Polis İdarəsinin sabiq 2-ci polis bölməsinin əməkdaşı, polis serjantı, 1996-cı il təvəllüdlü Fuad Ağayev xiyaban ərazisindəki ağacdan özünü asıb.

Ərazidəki sakinlər onun asılmış meyitini aşkar edərək hüquq-mühafizə orqanlarına məlumat verib.

Daxili İşlər Nazirliyinin Mətbuat xidmətindən Trend-ə bildiriblər ki, intihar edən şəxs hazırda polis əməkdaşı deyil.

Həmin şəxs bir müddət əvvəl səhhətində yaranmış problemlə əlaqədar öz xahişi ilə polis orqanlarından xaric edilib.

Faktla bağlı araşdırma aparılır.

Trend.az

ƏVVƏLKİ XƏBƏR

“Məni erməni şərləyib” - Kiyevdə həbs olunan azərbaycanlı

SONRAKI XƏBƏR

Xaçmaz sakinini cərəyan vurub öldürüb